Është mbyllur xhiroja e 34-të në Superligën e Kosovës, ku të gjitha takimet janë zhvilluar në ditë dhe orë të njëjtë. Ndeshja kryesore padyshim që ka qenë në “Liman Gegaj”, ku u takuan Malisheva dhe Drenica.
Takimi u mbyll me rezultat të barabartë 0:0, dhe të dy skuadrat ende janë në luftë për t’iu shmangur zonës së barazhit. Malisheva ka 44 pikë në vendin e shtatë, aq sa ka edhe Drenica në pozitën e tetë.
Ndërsa me shifra identike ka përfunduar edhe dueli Drita – Dukagjini. Intelektualët pavarësisht këtij barazimi, ndodhen në vendin e tretë, dhe e kanë të sigurtë daljen në Evropë. Ndërkaq kjo pikë përshtati nuk i shkon skuadrës klinase, e cila ende po lufton për t’iu shmangur pozitës së tetë, vend ky që dërgon në barazh. Drita tani ndodhet në kuotën e 58 pikëve në vendin e tretë. Dukagjini ka 46 pikë në pozitën e gjashtë.
Fitore të rëndësishme ka marrë Prishtina në udhëtim te Ulpiana, që është përshendetur me Superligën. Bardhekaltërit triumfuan me shifra 3:0 në “Sami Kelemndi”, dhe kjo fitore i jep frymarrje me të lirshëm, ndonëse dy xhiro pa përfunduar kampionati ndodhen në pozitë që ende nuk kanë siguruar largimin nga zona e barazhit. Golat për fitoren e skuadrës kryeqytetase i shënuan Amir Prishtina 31 e 77, dhe Besnik Krasniqi 59. Me 48 pikë, Prishtina ndodhet në vendin e pestë, derisa Ulpiana zë vendin e parafundit me 24 pikë.
Ndërkaq, Gjilani ka marrë një tre pikësh të madh në “Zahir Pajaziti” ndaj Llapit. Kuqebardhët fituan me shifra 3:2 ndaj llapjanëve. Golat e fitores u shënuan nga sulmuesi Blerim Krasniqi në minutat 3′, 81, 88, dhe Shend Kelmendi 97′. Kurse për skuadrën nga Podujeva, realizoj Bianor Neto 79 dhe 87. Gjilani tani ka 62 pikë, katër me shumë se Drita që zë vendin e tretë, kurse Llapi i katërti me 54 sosh.
Ballkani edhe në sfidën me Feronikelin kanë luajtur me të relaksuar, duke iu dhënë hapësirë lojtarëve me pak minutazh. Ballafaqimi i këtyre dy skuadrave përfundoj me shifra 2:0 në të mirë të therandasve, takim ky që u zhvillua në “Rexhep Rexhepi”. Për portokallinjët golat erdhën nga Ermal Krasniqi 39′ dhe Malsor Ajeti 65. Ballkani si kampion tani ka 73 pikë, kurse Feronikeli i fundit me 13 pikë. /Tëvë1/
