Në këtë formë, u arrestuan personat të cilët i sulmuan gazetarët, zyrtarët policor dhe pjesëtarët e KFOR-it në veri.
E për kapjen e tyre, pati edhe deklarime nga zyrtarët shtetërorë me publikimin e fytyrave bashkë me emër e mbiemër.
E një muaj më vonë, të njëjtit u liruan me masën e dorëzanisë.
E për këtë çështje, për herë të parë foli kryeministri Albin Kurti.
Shefi i ekzekutivit tha se nuk është i kënaqur me prokurorinë.
“Besoj që kanë treguar një lloj pasiviteti konstant, po ashtu nga numri i madh i informacionit dhe kallëzimeve penale, e denoncimeve që kanë marrë nga të gjitha institucionet e shtetit është shumë i madh numri i lëndëve që kanë shpejtësi të ulët ose ngecje të plotë. Po ashtu nuk mund të them që kam bindjen për korrektësi të duhur sa i përket përzgjedhjes së lëndëve që bëhen, por këto janë përshtypjet e mija”, ka thënë Kurti.
Madje, Kurti dyshon nëse ka korrektësi.
“Unë besoj që ata duhet të japin përgjigje se si bëhet që dikush qëndron në paraburgim për muaj të tërë e dikush as një muaj ose as 3 muaj, siç zakonisht bëhet vazhdimi i paraburgimit. Unë nuk jam i bindur për korrektësinë, mirëpo megjithatë vendimi meritor ka të bëjë me hollësitë e çështjes, për të cilët duhet ata në KPK të iu përgjigjen, sepse duhet t’i japin llogari publikut”, ka shtuar ai.
E këto deklarata, po shihen vetëm politike nga juristi Anton Ndrecaj.
Sipas tij, edhe në të kaluarën ka pasur tendenca për t’i heshtur organet e drejtësisë.
Televizioni ka dërguar pyetje edhe në Këshillin Prokurorial të Kosovës dhe në zyrën e Prokurorit të Shtetit në lidhje me deklaratat e Kurtit, mirëpo të njëjtit nuk kanë kthyer përgjigje.