Një grup veterinarësh janë kujdesur për transferimin e luanit tek Pylli i Arinjëve Prishtina, raporton teve1.info
Restorani ku po mbahej luani është djegur para disa ditëve, por fatmirësisht luani nuk është lënduar, kështu ka bërë të ditur Pylli i Arinjëve.
“Dje pasdite e kemi sjellur luanin Gjoni tek PYLLI I ARINJVE Prishtina. Restorani ku është mbajtur luani gjoni ishte djegur para disa ditëve, Gjoni nuk është lënduar. Prandaj, kemi vendosur që menjëherë ta sjellim 🚚 Gjonin tek PYLLI I ARINJVE Prishtina, pasiqë të ushqyerit, kujdesi dhe siguria e tij nuk kanë qenë të garantuara. Këtu ai do të mbahet në një hapsirë të sigurtë dhe stafi ynë do të ofrojë gjithë kujdesin e nevojshëm. PYLLI I ARINJVE Prishtina nuk është destinacioni final për Gjonin. Do të vazhdojmë punën dhe angazhimin që zhvendosja e Gjonit në shtëpinë e tij të përhershme në një nga strehimoret e maceve të mëdha të FOUR PAWS, ku ai mund ta shijojë pjesën e mbetur të tij në një hapsirë sa më të natyrshme dhe më të përshtatshme për llojin e tij, dhe në shoqëri me kafshët tjera të llojit të tij”, thuhet në njoftim.
