Mesditën e sotshme Lista Serbe mbajti kuvendin e parë pas ngjarjeve të 24 shtatorit në Banjskë. Në vend të Goran Rakiq, kryetar i ri u zgjodh Zllaten Elek. Ky i fundit u zotua se Lista Serbe për çdo vendim, do të koordinohet me Beogradin zyrtar.
U mblodhën për herë të parë pas sulmit në Banjskë.
Janë këta anëtarët e Listës Serbë, që në Mitrovicën e Veriut, po e zgjedhin kryetarin e ri.
E moment për të cilin u mblodhën erdhi.
Pas asnjë votë kundër, në vend të Goran Rakiq, u zgjodh Zllatan Elek.
Nuk vonoi shumë, e kryetari i ri i Listës Serbe, doli në konferencë për media.
Sikurse, paradhësit e tij, edhe ky tha se nuk do ta marrë asnjë vendim, pa qenë në koordinim me presidentin serb, Aleksandër Vuçiq, fotografia e të cilit ishte në ballë të kuvendit ku u mbajt mbledhja.
“Lista Serbe edhe në periudhën pasuese do të jetë boshti rreth të cilës do të tubohet populli serb në Kosovë e Metohi ashtu sikurse të gjitha vendimet e rëndësishme politike përherë do të merren në koordinim me Beogradin zyrtar dhe në interes të të gjithë popullit serb për të ruajtur unitetin e nevojshëm”, u shpreh kryetari i Listës Serbe, Zllatan Elek.
Por, kush është drejtuesi i ri Listës Serbe?
Zllatan Elek, në vitin 2020, u emërua nga Qeveria e Serbisë, si ushtrues detyre i Qendres Spitalore Klinike në Mitrovicën e Veriut, institucion që punon në sistemin serb.
Ndërsa nuk qëndroi duarkryq, as në tubimet e organizuara nga Lista Serbe, në veriun e Kosovës.
Madje me 6 nëntor të vitit 2022, Ellek u shfaq para qytetarëve serb përmes një fjalimi.
I gjithë ky tubim, ishte organizuar një ditë pas largimit të serbëve nga instuticionet e Kosovës.
Përveç kryetarit, Lista Serbe të martën zgjodhi edhe pesë nënkryetar.
Këtë funksion do ta ushtrojnë Dragisha Milovic, Ivan Zaporozhian, Tanja Vujoviq, Dragana Antonijeviq dhe Dalibor Jevtic.
Për zgjedhjen e kryetarit të ri, Listën Serbe e ka uruar edhe shefi i të ashtuquajturës zyra serbe për Kosovë në Qeverinë e Serbisë, Petar Petkoviq.
Ky i fundit ka falënderuar ish-udhëheqësit e Listës Serbe, ndërsa ka shtuar lidershipit të ri e presin sfida të mëdha.
