Ai në emisionin “Info Nata” në Tëvë1, tha se në dy muajt e parë të vitit 2022 eksporti është më i lartë për 45 për qind në krahasim me 2 muajt e parë të vitit 2021.
Sipas tij, viti i kaluar ka qenë vit rekord sa i përket eksportit të mallrave nga Kosova.
“Viti i kaluar ka qenë një vit rekord sa i përket ekspertëve, ka qenë një rritje prej 65 për qind krahasuar me vitin paraprak, përkatësisht janë eksportuar 712 milionë euro, kjo krahasuar me vitin 2019 rritja ka qenë për 100%”. “Edhe këtë vit, për dy muajt e parë kemi 45 për qind më shumë eksport krahasuar me dy muajt e parë të vitit 2021”, tha ai.
Drejtori i Doganës së Kosovës foli edhe sa i përket bashkëpunimit tregtar me Shqipërinë, ku tha se është shënuar rritje e theksuar.
Llugaliu ka folur edhe për disa nga reformat që po bëhen në njërin nga institucionet kryesorë për mbushjen e buxhetit të shtetit.
Ai duke folur për raportin e Bankës Botërore për matjen e kohës së zhdoganimit, e ka vlerësaur si shumë të rëndësishëm. Sipas tij është shënuar progres nga vitit 2016 sa i përket i përket një dërgese të kohës mesatare prej hyrjes në kufi deri në përfundimin e të gjitha procedurave doganore.
“Raporti i Bankës Botërore është i një rëndësie të veçantë dhe është një raport që Banka Botërore e zbaton tek të gjitha vendet anëtare dhe përdor metodologji të Bankës Botërore dhe Organizatës Botërore të Doganës për matjen e kohës zhdoganimit, është i rëndësishëm për faktin se është studim objektiv i ndërmarrë nga një institucion jashtë doganës dhe institucioneve të Qeverisë, dhe si i tillë paraqet edhe arritjet që dogana dhe agjencionet e tjera kufitare kanë bërë në avancimin e lehtësirave tregtare në mënyrë që t’u mësojnë bizneseve që të kenë kohë më të shpejtë gjatë procedimit të dërgesave në tregtinë e jashtme, ku sa më efikas të jetë procedimi i këtyre dërgesave, aq më pak ka kosto për bizneset. Gjithashtu është e rëndësishme që ky raport shërben si indikator për matjen e leverdisë nga biznese të ndryshme të huaja që kanë për qëllim investimet në vendet tjera. Raporti nga matja e fundit që është bërë në vitin 2016, ka treguar një përmirësim prej 34 përqind për sa i përket një dërgese të kohës mesatare prej hyrjes në kufi deri në përfundimin e të gjitha procedurave doganore, ku nga 5 orë e 3 minuta sa ka qenë në vitin 2016 tani është 3 orë e 19 minuta, ndërsa koha e pritjes gjatë kalimi të kufirit nga 6 minuta është ulur me 50 për qind në 3 minuta”, tha ai në Info Nata./Tëvë1/
