KF Llapi ka njoftuar se përgatitjet për edicionin pranveror do t’i zhvillojë në Podujevë deri më 21 janar. Pas kësaj date, ekipi do të zhvendoset në Antalya të Turqisë për fazën përfundimtare të përgatitjeve para nisjes së edicionit pranveror.
Gjatë periudhës së stërvitjeve në Podujevë, ekipi planifikon të luajë një ndeshje miqësore, e cila do të caktohet së shpejti.
“Në Turqi, bardhekaltrit do të zhvillojnë katër duele të tjera miqësore për të vlerësuar formën e secilit futbollist para sfidave që i presin në pranverë.
Vlen të theksohet se ekipi, që nga fillimi i përgatitjeve, po stërvitet me përkushtim maksimal, ndërsa intensiteti i stërvitjeve po rritet dita-ditës. Po ashtu, drejtuesit e klubit janë duke punuar në afrime cilësore në pozicionet ku nevojiten përforcime”, raporton klubi në faqen zyrtare.
