Skuadra e Llapit ka pësuar humbje në thellë në ndeshjen kontrolluese të luajtur në Antalia të Turqisë kundër Wisla Krakowit.
Dueli i luajtur të mërkurën, ka përfunduar me rezultatin e thellë 4:0, në favor të ekipit të madh nga Polonia.
Pjesa e parë, përfundoi 2:0 kurse në të dytën, Wisla shënoi edhe dy gola tjerë për rezultatin përfundimtar.
“Ndeshja u zhvillua në kohëzgjatje prej 105′ minutave. Ekipi polak u tregua shumë cinik dhe shfrytëzoi gabimet tona, duke na ndëshkuar me 4 gola. Futbollistët tanë, ndonëse nuk shënuan, krijuan raste, por nuk ishin efikas para portës”, shkroi Llapi në Facebook.
Ndeshjen e fundit në Antalia, ku po e kryen fazën përgatitore, Llapi e luan më 31 janar kundër FC Hebar.
