Pasi e përfundoi sezonin 2024/25 duke siguruar mbetjen në Superligë me anë të barazhit dhe u mposht në finalen e Kupës së Kosovës, KF Llapi ka konfirmuar largimin e disa lojtarëve.
Në fakt, Llapi ka bërë të ditur se ka ndarë rrugët me hiq më pak se 11-të futbollistë, si pasojë e përfundimit të kontratave apo marrëveshjeve të përbashkëta për vazhdimin e karrierës diku tjetër.
Po ashtu, më herët prej skuadrës së Llapit janë larguar edhe Blend Baftiu, Hamdi Namani kurse të dielën është konfirmuar edhe largimi i Ahmed Januzit, Erguyn Ahmetit, Granit Jasharit, Gentrit Limanit, Valmir Veliut e disa të tjerëve.
“KF Llapi falënderon të gjithë futbollistët për përkushtimin, profesionalizmin dhe kontributin e dhënë gjatë kohës sa ishin pjesë e klubit tonë, duke iu dëshiruar suksese në vazhdim të karrierës”, ka shkruar Llapi ndër të tjera në njoftim.
