Llapi dhe Drenica, janë dy skuadrat e para gjysmëfinaliste të Kupës së Kosovës në futboll.
Të dyja këto skuadra, të mëkurën u kualifikuan në gjysmëfinale të kësaj gare duke eliminuar kundërshtarët që i kishin përball në fazën çerekfinale.
Llapi triumfoi 1:0 në udhëtim ndaj Malishevës, me golin e shënuar nga sulmuesi Ardit Tahiri në fund të pjesës së parë.
Edhe Drenica triumfoi 1:0 ndaj Ferizajt, ndërsa golin e fitores për ekipin e Ligës së Parë e realizoi Mohamed Fofana në minutën e 13-të.
Si Llapi ashtu edhe Drenica, ndeshjet çerekfinale të Kupës, i përfunduan me nga një futbollist më pak në fushë.
Gjysmëfinalja e Kupës së Kosovës do të kompletohet të enjten, me dy ndeshjet e fundit çerekfinale që nisin në orën 13:00, ku takohen Vëllaznimi – Prishtina dhe Prishtina e Re – Drita.
