Kryetari aktual i Drenasit, Ramiz Lladrovci i cili kandidon edhe për një mandat, ka thënë se qytetarët e kësaj komune janë kampionë dhe nuk votojnë me sy mbyll.
Ai kështu është shprehur në një tubim që ka mbajtur në vendlindjen e tij, në Gllanasellë.
“Qytetarët e Drenasit, janë qytetarë kampionë dhe nuk votojnë me sy mshel, e votojnë vlerën, dëshminë në punë, kontribuesit e vlerave të qeverisjes shembullore në nivel nacional, votojnë për vepra dhe programin ambicioz në mandatin e ardhshëm”, ka shkruar ai në Facebook.
Lladrovci ka mbajtur takim edhe Çikatovë të Vjetër.
“Qytetarët i duam me mirëqenie dhe Komunën e Drenasit e duam të zhvilluar e me perspektivë, prandaj qytetarët kanë 101 arsye për të votuar “Për Drenasin Kampion”!”, ka shkruar ai.
