Në njoftim thuhet se kryetari Lladrovci siguroi majorin Natensko se do të bëjnë krejt çka është e mundur për qytetarët ukrainas nëse ata vijnë që të strehohen në komunën e Drenasit.
“Kryetari Lladrovci priti në takim përfaqësuesin e lartë të ushtrisë ukrainase në Kosovë, major Ivan Nastenko Përfaqësuesi i lartë i ushtrisë ukrainase në Kosovë, major Ivan Nastenko gjatë ditës së sotme vizitoi Komunën e Drenasit. Duke përmendur situatën nëpër të cilën po kalon Ukraina, kryetari Lladrovci tha se ndjeshmëria dhe dhembshuria është më e madhe tek ato vende që kanë përjetuar këto situata si masakra, vrasje të civilëve, bllokada, urinë, etjen e deri te dhunimet dhe shkatërrimet në masë të tërë pasurisë së qytetarëve dhe shtetit. “Fitorja e popullit ukrainas përball agresionit rus do të jetë e pashmangshme. Popujt dhe shtetet liridashëse kanë shfaqur dhe po shfaqin solidaritet të plotë me gjendjen e rëndë në Ukrainë, ashtu edhe Republika e Kosovës”. Njëherit kryetari Lladrovci siguroi major Nastenko se do të bëjnë krejt çka është e mundur për qytetarët ukrainas nëse do të orientohen që të strehohen në komunën e Drenasi”, thuhet në njoftim.
