Lladrovci e ka quajtur “dënim befasues” vendimin e Speciales ndaj Gucatit e Haradinajt.
Sipas tij, përgjegjësia bie mbi Prokurorinë dhe Gjykatën rreth dokumenteve, është absurd të dënohen për fajin dhe veprën e të tjerëve.
“Dënim befasues. Shpresoj të fitojë drejtësia në shkallën e dytë të gjykimit, nuk mund ta besoj se ata kishin faj. Përgjegjësia bie mbi prokurorinë dhe gjykatën rreth dokumenteve, është absurd të dënohen për fajin, pakujdesinë dhe veprën e të tjerëve. Çlirimtarët vazhdojnë të jenë viktima, për fat të keq…Ndjej dhimbje të thellë për këtë padrejtësi ndaj Hysni Gucatit e Nasim Haradinajt!”, ka shkruar ai në një postim në Facebook.
Gjykata Speciale ka shpallur fajtor ish-drejtuesit e Organizatës së Veteranëve të Luftës së Ushtrisë Çlirimtare të Kosovës, Hysni Gucati e Nasim Haradinaj.
Ata janë dënuar me nga 4 vjet e gjysmë burgim, ku u llogaritet edhe koha e paraburgimit.
Gucati e Haradinaj u dënuan për publikimin e dokumenteve të Speciales. /Teve1.info/
