Lladrovci përmes një postimi në Facebook, ka thënë se është dëshmi për gruan e fortë në politikë e cila ia përplasi derën partisë së shumicës.
“Dëshmi për gruan e fortë në politikë është Doarsa Kica Xhelili e cila ia përplasi derën partisë së shumicës. Politika nxjerr bërllokun në shesh më shpejt se profesionet tjera. Doarsa tregoi në politikë si mund të jesh vetja, vetja përball joshjes së pushtetit dhe shpërblimit që vije nga shumica. Trushpëlarët ditëve të fundit po e sulmojnë në rrjete sociale pa nda, por, nuk do të kenë sukses kundër një gruaje të fortë”, ka shkruar ai.
Sipas tij, rreshtimi kundër shumicës parlamentare është arritje kundër mashtrimit.
Ai thotë se është dëm që Kica-Xhelili nuk ka shkuar në PDK.
“Rreshtimi kundër shumicës parlamentare është arritje kundër mashtrimit. Adresa më e mirë e saj, për këtë guxim ku forca e bën fuqinë, do të ishte PDK-ja. Dëm që nuk erdhi tek ne!”, ka thënë Lladrovci. /teve1.info/
