Ylli i Bayer Leverkusenit, Jeremie Frimpong, mund të transferohet në verë te Liverpooli, ka shkruar “Daily Record” të enjten.
24-vjeçari u largua nga gjiganti skocez, Celtic, në drejtim të Leverkusenit në vitin 2021 për 11 milionë euro.
Por, Celticu do të përfitojë nga shitja e ardhshme e Frimpongut sërish, pasi ka ruajtur 30 për qind të kartonit.
Për Frimpongun interesim kanë shprehur edhe Barcelona, Chelsea, Manchester Unitedi dhe Real Madridi.
Bashkëlojtari i Granit Xhakës ka realizuar katër gola dhe ka dhuruar 11 asistime në të gjitha garat e edicionit aktual.
