Skuadra e Liverpoolit ka marrë një fitore të vështirë por tejet të vlefshme në ndeshjen e parë të 1/8 së finales të Ligës së Kampionëve kundër Paris Saint-Germainit.
Të mërkurën mbrëma në Paris, Liverpooli fitoi me rezultatin minimal 1:0 edhe pse skuadra franceze pati dominim të plotë dhe raste të shumta shënimi.
Golin e vetëm në këtë përballje dhe të fitores së Liverpoolit, e shënoi Harvey Elliott në minutën e 87-të.
Në fakt, PSG-ja realizoi gol në pjesën e parë nëpërmjet Kvicha Kvaratskhelias por që u anulua nga VAR.
Ndeshja e kthimit mes këtyre dy skuadrave luhet javën tjetër në stadiumin “Anfield Road” dhe Liverpooli ka një rezultat të favorshëm për të avancuar në çerekfinale të Championsit.
