Tre gola dhe dy “offside”, Liverpool merr një fitore shumë të rëndësishme ndaj Brentford në takimin e javës së 12-të të Premier League, në “Anfield”.
“The Reds” patën mundësinë që të zhbllokonin takimin në dy momente me Nunez, në minutën e 22’ dhe të 27’, por të dyja goditjet e uruguajanit u anuluan për pozicion të parregullt.
Megjithatë, në minutën e 39’ Salah gjeti rrugën drejt rrjetës dhe zhbllokoi sfidën. Ndërsa në minutën e 62’ Liverpool gjeti golin e dytë, por me Salah që tregoi një super formë.
Llogaritë e kësaj përballjeje u mbyllën nga Diogo Jota, që shënoi golin e tretë për ekipin e Jurgen Klopp në minutën e 74’. Pas kësaj jave, Liverpool ngjitet në vend të dytë me 27 pikë, teksa Brentford renditet në vend të 10-të me 16 pikë.
Aston Villa mposht Fulham-in me rezultatin 3-1 në javën e 12-të. vendasit morën avantazhin falë një autogoli të Robinson në minutën e 27’, ndërsa në minutën e 42’ McGinn dyfishoi avantazhin.
Në minutën e 64’ Watkin realizoi golin e tretë për ekipin e Aston Villas. Fuham nga ana tjetër provoi të reagojë dhe shënoi me Jimenez në minutën e 70’, por në fund ndeshja u mbyll me rezultatin 3-1.
Pas kësaj përballjeje Aston Villa renditet në vend të pestë me 25 pikë, ndërsa Fulham në vend të 16-të me 12 pikë.
Brighton-Sheffield United ndahen me barazimin 1-1, me vendasit që e mbyllën me dhjetë lojtarë këtë takim. Brighton zhbllokoi takimin në minutën e 6’ me Adingra, ndërsa e mbylli pjesën e parë në avantazh.
Në minutën e 69’ Dahoud u ndëshkua me karton të kuq dhe i la vendasit në inferioritet numerik, ndërsa një autogol i Webster në minutën e 74’ u dha barazimin miqve. 1-1 dhe Brighton renditet në vend të tetë me 19 pikë, ndërsa Sheffield në vend të parafundit me pesë pikë.
West Ham merr fitoren 3-2 ndaj Nottingham Forest në javën e 12-të të premier League.
Golat për vendasit i shënuan Paqueta në minutën e 3’, Bowen në minutën e 65’ dhe Soucek në minutën e 88’. Ndërsa për miqtë shënuan Awoniyi në minutën e 44’ dhe Elanga në minutën e 63’.
Pas javës së 12-të, West Ham renditet në vend të nëntë me 17 pikë, teksa Nottingham në vend të 15-të me 13 pikë.
