Drejtuesit e Liverpoolit po monitorojnë trajnerin nga Holanda, Arne Slot që aktualisht është në krye të skuadrës së Feyenoordit.
Sipas mediumeve britanike, Slot po shihet si zëvendësim ideal për gjermanin Juergen Klopp, i cili do të largohet nga Liverpooli me të përfunduar edicioni aktual.
Slot 45-vjeçar është trajner i Feyenoordit prej vitit 2021 dhe ka kontratë deri në verën e vitit 2026. Liverpooli ka kthyer sytë kah holandezi Slot pasi nuk ka bindur portugezin Ruben Amorim të largohet nga Sportingu i Lisbonës. Para Feyenoordit, Slot ka punuar edhe te skuadra tjetër nga Holanda, AZ Alkmaar.
Krahas Liverpoolit, trajneri Slot po pëlqehet edhe nga Bayern Muncheni pasi Thomas Tuchel do të largohet në verë nga ekipi gjerman.
