Skuadra e Liverpoolit është kthyer te fitorja në Premier League, pas katër humbjeve radhazi.
Liverpooli të shtunën mbrëma e mposhti Aston Villan në shtëpi me rezultatin 2:0.
Kjo ndeshje i takoi xhiros së dhjetë të elitës së futbollit anglez.
Mohamed Salah e shënoi golin e parë në minutën e parë shtesë të pjesës së parë.
Për 2:0 realizoi Ryan Gravenberch në minutën e 58-të.
Liverpoolit iu anulua edhe një gol i Hugo Ekitikes në minutën e 43-të për shkak të pozitës jashtë loje.
“Të Kuqtë” kanë 18 pikë. Aston Villa ka tri pikë më pak.
