Mesfushori i Argjentinës, Alexis Mac Allister i është bashkuar skuadrës së Liverpoolit. Mac Allister të enjten është prezantuar te Liverpooli, ekip me të cilin ka firmosur kontratë afatgjate.
Mac Allister është transferuar nga skuadra e Brightonit për 42 milionë euro. 24-vjeçari bëhet përforcimi i parë i Liverpoolit për edicionin e ri, ndërsa interesim për transferimin e tij këtë verë kishin shprehur edhe Manchester Unitedi, Manchester City e Arsenali.
Mac Allister ka thënë se ndihet shumë i lumtur që i është bashkuar Liverpoolit, ekip për të cilin ka ëndërruar gjithmonë të luajë.
Në tri edicionet e fundit, Mac Allister ishte pjesë e Brightonit, ndërsa vitin e shkuar e fitoi Kupën e Botës me Argjentinën. Në edicionin e fundit, ai pati 12 gola e 3 asistime në 40 paraqitje për Brightonin në të gjitha garat.
