Sadio Mane duket se është gati t’i japë lamtumirën skuadrës së Liverpool.
Ende nuk ka asgjë zyrtare, por ishte vetë lojtari që pas finales së Ligës së Kampionëve i falënderoi të gjithë dhe i uroi më të mirën Liverpoolit.
Fjalët e senegalezit lënë të kuptojnë që periudha e tij në ‘Anfield’ ka përfunduar.
Siç njofton ‘Fichajes’, Liverpool tashmë i kanë vendosur çmimin Manes, përcjell lajmi.net.
Ekipi që dëshiron të marrë shërbimet e lojtarit do duhet t`i paguajnë 40 milionë euro gjigantit anglez.
Në anën tjetër Mane duket se i ka dhënë dritën jeshile kontratës trevjeçare të ofruar nga Bayern Munich. Sigurisht që zbarkimi i tij në ‘Allianz Arena’ nuk do të jetë i mundur derisa bavarezët të arrijnë marrëveshjen përkatëse me Reds.