Me duelin Liverpool – Bournemouth, sonte nis edicioni i ri i Premier Leagues angleze, në një sezon ku “Reds” fillojnë mbrojtjen e titullit kampion.
Ndeshja hapëse do të zhvillohet në “Anfield”, nga ora 21:00, me vendësit që para tifozëve të vet synojnë të këndellen shpejt nga humbja në garën e Superkupës angleze, javën e kaluar nga Crystal Palace.
“Të kuqtë” e fillojnë mbrojtjen e titullit kampion me disa përforcime të mëdha, si Ekitike, Wirts, Frimpong e Kerkez, derisa skuadra synon të përforcohet edhe me tre futbollistë, ndër ta edhe me yllin e Newcastle United, Alexander Isak.
Me përforcimet e shumta dhe me një mungesë të madhe – Diogo Jotan i cili vdiq tragjikisht disa javë më parë do t’i mbledhin forcat për ta zhvilluar një sezon tjetër madhështor.
Bournemouth asnjëherë nuk e ka mposhtur Liverpoolin në “Anfield”, duke marrë vetëm një pikë nga 24 të fundit, dhe i kanë humbur gjashtë ndeshjet e fundit rresht në shtëpi të Liverpoolit.
