Ka nisur seanca konstitutive e Kuvendit të Kosovës, ku në rend dite është zgjedhja e kryetarit të Kuvendit.
Kjo do të jetë hera e shtatë që do të tentohet konstituimi i Kuvendit, që nga përpjeka e parë më 15 prill.
E propozuara e LVV-së, Albulena Haxhiu në katër tentimet e mëparshme nuk ka arritur të marrë votat e mjaftueshme. Ajo po kundërshtohet nga PDK, LDK e AAK.
PDK e AAK kanë deklaruar se do ta votonin një kandidat koncensual të propozuar nga LVV, por jo Haxhiun të cilën e kanë cilësuar si figurë përçarëse. Ndërsa, LDK ka thënë se nuk do ta votojë asnjë kandidat të propozuarën nga partia fituese e zgjedhjeve.
Nga LVV janë deklaruar se nuk do ta ndryshojnë të propozuarën e tyre.
