Trajneri i Real Madridit, Carlo Ancelotti dhe ai i Barcelonës, Hansi Flick kanë publikuar listat e futbollistëve të ftuar për ndeshjen e sotme (e shtunë) El Clasico.
Real Madridi dhe Barcelona do të ndeshen sot mes vete në ndeshjen e parë El Clasico të sezonit 2024/25 në La Liga, e vlefshme për javën e 11-të.
Kjo përballje gjigantësh e njohur si El Clasico do të zhvillohet në stadiumin ‘Santiago Bernabeu’ me fillim nga ora 21:00 dhe tashmë ekipet janë gati.
Trajnerët Ancelotti dhe Flick kanë publikuar tashmë listat me futbollistët e ftuar për këtë ndeshje, ku vërehen mungesat e mëdha tek të dyja ekipet.
Te Real Madridi do të mungojnë emra si Thibaut Courtois, Rodrygo Goes, David Alaba dhe Dani Carvajal, ndërsa te Barcelona mungojnë Ronald Araujo, Marc Bernal, Andreas Christensen, Eric Garcia, Marc-Andre ter Stegen dhe Ferran Torres.
Megjithatë, nuk mungojnë yje të mëdha si Vinicius Junior, Kylian Mbappe dhe Jude Bellingham te Los Blancos, si dhe Robert Lewandowski, Lamine Yamal dhe Pedri te Blaugranët.
Lista e lojtarëve të ftuar të Real Madridit
Portierët: Lunin, Fran Gonzalez dhe Sergio Mestre
Mbrojtësit: Militao, Lucas Vazquez, Vallejo, Fran Garcia, Rudiger dhe Mendy
Mesfushorët: Bellingham, Camavinga, Valverde, Modric, Tchouameni, Arda Güler dhe Ceballos
Sulmues: Vinicius Jr., Mbappe, Endrick dhe Brahim
Lista e lojtarëve të ftuar të Barcelonës
Portierët: Inaki Pena, Szczesny, Kochen
Mbrojtësit: Cubarsi, Balde, I.Martinez, Kounde, Fort, Gerard Martin, dhe S. Dominguez
Mesfushorët: Gavi, Pedri, Pablo Torre, Fermin Lopez, M.Casado, Dani Olmo, De Jong
Sulmuesit: Lewandowski, Ansu Fati, Raphinha, Pau Victor, Lamine Yamal
