Nënkryetarja e Komunës së Zveçanit, Natasha Tomaniq, ka shprehur dyshime se pas djegies së lokalit të saj dje në Zveçan, dyshohet se qëndron Lista Serbe, sot kjo parti e ka mohuar këtë deklaratë duke hedhur akuza drejt saj.
Lista Serbe thotë se Tomaniq dhe kryeministri i Kosovës, Albin Kurti e dinë shkakun e zjarrit para çdo hetimi apo rezultateve të shërbimeve profesionale.
“Është interesante se si Natasha Tomaniq, ashtu si shefi i saj Aljbin Kurti, e di shkakun e zjarrit para çdo hetimi dhe rezultatet e shërbimeve profesionale. Për më tepër, Kurti dhe Tomaniqi po insinuojnë se e dinë se kush e ka kryer këtë akt”, ka theksuar Srpska lista.
Lista serbe ka drejtuar gishtin te zyrtarët e Qeverisë së Kosovës në ata të nivelit lokalë, duke thënë se i dënon “insinuatat dhe akuzat e rreme”.
“Vetë njoftimi se në atë vend do të ndërtohet një ndërtesë edhe më e madhe me ‘njerëz nga jugu’ dërgon mesazhin se ndoshta zjarri është një prelud për përdorimin e parave nga Prishtina për të ndërtuar një ndërtesë me sipërfaqe më të madhe katrore, pa asnjë leje”, thuhet në reagimin e tyre./teve1.info/
