Lista Serbe e ka quajtur vendim të turpshëm dhe të paligjshëm, vërtetimin e dënimit prej një vjet burg nga Apeli për ish-ministrin Teodosijeviq, për shkak se mohoi Masakrën e Reçakut.
“Vendimi i turpshëm, i paligjshëm, antiserb i Gjykatës së Apelit për dënimin e Ivan Todosijeviqit, anëtarit të Kryesisë së Listës Serbe, me një vit burg për qëndrim të shprehur publikisht, është dëshmia më e mirë në çfarë kushtesh jetojnë serbët. në Kosovë e Metohi, e cila kufizohet me aparteidin nën udhëheqjen e regjimit të Albin Kurtit”, thuhet në një komunikatë të tyre.
Madje sipas tyre ky është një proces politik.
Ekipi ligjor i z. Todosijeviq e ka bërë punën e vet më shumë se profesionalisht, për të dëshmuar se liria e fjalës dhe e mendimit është e garantuar për të gjithë, madje edhe për serbin Ivan Todosijeviq, por ky është qartë një proces politik në të cilin ligji dhe drejtësia nuk kanë asnjë shans për të fituar. Vetë fakti që aktgjykimi është publikuar në media dhe nuk i është dorëzuar avokatëve dhe as z. Todosijeviq, thotë se ky është një aktgjykim që synon të frikësojë popullin serb dhe t’u dërgojë mesazh të gjithëve që të heshtin dhe të durojnë”, thuhet në njoftim.
Lista Serbe ka kërkuar nga BE dhe QUINT-i “të reagojnë urgjentisht dhe të vënë në dukje shkeljet e të drejtave të Todosijeviqit”.
