Kandidati për deputet nga Lëvizja Vetëvendosje,Alban Bajrami, ka thënë se lisat e tyre për deputetë është e duhura për vendin.
Ai duke folur për listën që nuk dallon shumë nga ajo e zgjedhjeve të 9 shkurtit, ka thënë se kjo tregon që janë parti e konsoliduar dhe siç ka thënë ai nuk kanë nevojë për “për transfero të lira”.
“LVV është subjekt i konsoliduar, nuk ka nevojë për transfere të lira pak para zgjedhjeve. Qytetaret na kanë votuar kështu siç jemi si subjekti i parë me një dallim jashtëzakonisht të madh me subjektin e dytë”, tha Bajrami.
Aderimet që kanë prezantuar partitë tjera, Bajrami i ka vlerësuar si “transfere të liria para afatit kalimtar”.
Sipas Bajramit, aderimet e disa individëve nuk përputhen me qëndrimet në paritë që kanë kaluar.
“Këto subjektet tjera që i shohë duke bërë transfero të lira para afatit kalimtar e bëjnë më shumë prej frikës për mu dok që ekzistojnë se sa që kanë përmbajte. Ka aderime që nuk e kupton se si bashkohen ata njerëz. Njëri deklarohet për vlera të caktuara e shkon me subjektin që ka qëndrime diametralisht të kundërta me vlerat që ka të përcaktuara të individit dhe e quajnë bashkim të ideve. Është më shumë kazan i ideve se sa bashkim”, tha ai.
Bajrami u shpreh se lista e kësaj partie është me e përgatitura.
