Është liruar rruga për qarkullimin e automjeteve në Qendrën e Skijimit në Brezovicë.
Kështu ka bërë të ditur për teve1.info, zëdhënësi i Policisë së Kosovës për rajonin e Ferizajt, Kanun Veseli.
Veseli tha se shoferët duhet ta përshtatin shpejtësinë e lëvizjes së automjeteve në raport me kushtet e rrugës, pasi që ka vështirësi kalimi.
“Gjithashtu lusim shoferët e automjeteve që mos të parkojnë automjetet e tyre në mënyrë të parregullt në skajin e rrugës, sepse e pengojnë qarkullimin e automjeteve, ndërsa pengojnë edhe mjetet borëpastruse të kompanisë për pastrimin e rrugëve”, tha Kanuni.
Ndërkohë, ai tha se policia rajonale e Ferizajt është duke monitoruar situatën dhe është prezent në rrugët e pakalueshme.
Për ç’do rast qytetarët mund të kontaktojnë policinë rajonale të Ferizajt në numrat kujdestarë: 192, 0290/326-250 & 0290/322-406./teve1.info/
Mbyllet rruga nga Brezovica në drejtim të Qendrës së Skijimit
