Qytetari serb i cili ishte arrestuar sot në pikën kufitare në Jarinjë është liruar.
Kështu ka bërë të ditur për teve1.info, zëvendësdrejtori i policisë për veriun, Veton Elshani.
Ai tha se i dyshuari është ndaluar nën dyshimin për fotografim të paautorizuar.
“E vërteta është që personi ka qenë nën dyshimin për fotografim të paautorizuar. Është ndaluar në hyrje në Jarinjë duke hyrë nga Serbia në drejtim të Kosovës, pasi që është ndaluar ai është sjellë në stacionin policor në jug të Mitrovicës për intervistim. Pas intervistimit i njëjti është liruar”, ka deklaruar Elshani.
Ndryshe, Policia e Kosovës ka arrestuar një serb në pikën kufitare në Jarinjë.
Burime të Tëvë1 bëjnë me dije se i arrestuari dyshohet se është pjesëtar i xhandarmërisë serbe.
Policia e Kosovës arreston një person në Jarinje, dyshohet se është pjesëtar i xhandarmërisë serbe
