Kryeshefi ekzekutiv i Korporatës Energjetike të Kosovës, Nagip Krasniqi, është liruar nga paraburgimi, me vendim të Gjykatës Themelore në Prishtinë.
Rastin për teve1.info e ka konfirmuar avokati i tij, Virtyt Ibrahimaga, raporton teve1.info.
“Përmes aktvendimit të Gjykatës Themelore është liruar nga paraburgimi”, deklaroi Ibrahimaga.
Krasniqi ishte arrestuar më 19 prill, nën dyshimet për tri vepra penale, të keqpërdorimit të pozitës zyrtare, ushtrimit të ndikimit dhe konfliktit të interesit. Rasti përfshin dy kontrata njëburimore në vlerë 3.5 milionë euro./teve1.info/
