Lajmin për Tëvë1 e ka konfirmuar avokati i vëllezërve Murturi, Fitim Limani i cili ka paraqitur kërkesë për mbrojte të ligjshmërisë për vazhdimin e paraburgimit të mbrojtësit të tij, Behar Murturi.
“Gjykata Supreme me aktgjykimin PML.nr.383/2022 e ka aprovuar kërkesën për mbrojtje të ligjshmërisë dhe i ka anuluar aktvendimet e Gjykatës Themelore dhe të Apelit dhe e ka kthyer rastin në rivendosje në Gjykatën Themelore në Prishtinë. Në arsyetimin e aktgjykimit të Gjykatës Supreme, e njëjta vlerëson se si kusht elementar që duhet të përmbushet për vazhdimin e paraburgimit është dyshimi i bazuar se i pandehuri ka kryer veprën penale e cila u vihet në barrë, e për të cilën nuk janë dhënë arsye nga Prokurori i çështjes. Duke pasur parasysh këtë gjendje të çështjes, prokurori në kërkesën për vazhdim e paraburgimit nuk ka arritur të përfshijë prova që mbështesin dyshimin e artikulueshëm për vazhdimin e paraburgimit konform nenit 165 par 2.5 të KPPRK-së. Në rivendosje gjykata e shkallës së parë në seancën dëgjmore duhet të kërkojë nga prokurori sqarime shtesë sa i përket përshkrimit të provave që mbështesin bazat e artikulueshme për vazhdimin e paraburgimit”, tha ai.
Ndryshe imami i xhamisë së fshatit Lupç i Poshtëm të Podujevës, Zeqir Berisha, u sulmua me datë 21 korrik të këtij viti. Ky rast ishte konfirmuar edhe nga Policia./teve1.info./
