Liria e Prizrenit ka fituar një pikë shumë të rëndësishme të premten.
Liria barazoi 1:1 me Vëllaznimin e Gjakovës. Ndeshja e xhiros së 25-të të Ligës së Parë të Kosovës në futboll u luajt të premten në stadiumin “Liman Gegaj” në Malishevë, ku Vëllaznimi i organizon ndeshjet si vendas pasi stadiumi i Gjakovës është duke u rinovuar.
Dijar Nikqi i kaloi në epërsi mysafirët nga Prizreni në minutën e dytë.
Ardian Hoti i barazoi shifrat në minutën e 71-të. Ai ishte i saktë nga pika e bardhë.
Te Liria direkt me karton të kuq u ndëshkua mbrojtësi i krahut, Gentrit Bislimi.
Skuadra prizrenase ka 47 pikë dhe renditet në pozitën e dytë të Grupit A të Ligës së Parë.
Vëllaznimi ka pesë pikë më pak në vendin e katërt.
Vendi i dytë në grup dërgon në barazhin e Ligës së Parë. Drenica është lidere dhe pritet të kalojë direkt në Superligë.
