Kryeministri i Shqipërisë, Edi Rama, ka shprehur publikisht mbështetje të fuqishme për ish-krerët e UÇK-së që po gjykohen në Hagë, duke ndarë një pjesë nga dëshmia e James Rubin, ish-ndihmës sekretar amerikan i Shtetit.
Rama e cilësoi procesin si një “shtangës që ka njollosur rëndë drejtësinë ndërkombëtare”, ndërsa theksoi se padrejtësia ndaj atyre që sollën lirinë është e papranueshme.
“LIRIA KA EMËR AL KS”, shkroi Rama në një dedikim të shpërndarë në rrjete sociale, ku përcolli edhe fjalët e Rubin.
Rubin, gjatë dëshmisë së tij në Hagë, shfaqi shqetësim për faktin që ish-presidenti i Kosovës, Hashim Thaçi, ndodhet në paraburgim tash e pesë vite, ndonëse vetë ishte ofruar të paraqitej para gjykatës.
“Fakti që i akuzuari ka qenë në burg për 5 vite, pasi vetëofroi të paraqitej në gjykatë, në një kohë kur ishte gati të bënte një marrëveshje paqeje me udhëheqësin serb, më shqetësoi. Që politika të ndërhyjë në sundimin e ligjit, kjo më shqetëson”, është shprehur Rubin.
