Kryetari i partisë Nisma Socialdemokrate, ka deklaruar se në tubimin e së martës në Suharekë është konfirmuar fitorja e Koalicionit AAK-Nisma-Konservatorët-Forumi Intelektual E-30 dhe Lista Ideal.
Limaj ka thënë se qytetarët e Suharekës dhe të Kosovës sipas tij të injoruar dhe harruar nga qeveria kanë nevojë për projekte të mëdha që e ‘çojnë vendin në rrugën e zhvillimit dhe avancimit’.
“Sot, Suhareka, nesër Kosova do të bashkohen për fitoren e vendit. Në Suharekë u konfirmua fitorja jonë, me entuziazëm dhe vullnet, qytetarët e Suharekës po përqafojnë programin tonë për një Kosovë fituese, veçVEPRA, për antarësim në NATO, pavarsim energjetik dhe zhvillim ekonomik. Të harruar e injoruar nga qeveria, qytetarët e Suharekës dhe të Kosovës kanë nevojë për projekte të mëdha që e çojnë vendin në rrugën e zhvillimit dhe avansimit, aty ku çdo qytetar do të ndihet pjesë përbërëse e zhvillimit të vendit”, është shprehur ai./teve1.info/
