Kryetari i Nismës, Fatmir Limaj ka thënë se nuk kanë marrëveshje me askënd për të votuar kryetarin e Kuvendit.
“Ne nuk kemi marrëveshje me askënd…Fatkeqësisht dështoi. Besoj që është e qartë, partia që ka fituar zgjedhje nuk i ka votat. Duhet gjetur një rrugë për të krijuar një shumicë, e cila do të siguronte themelimin e institucioneve”, tha Limaj.
Ndërsa, deputeti i Lëvizjes Vetëvendosje, Arbër Rexhaj para seancës ka thënë se ende nuk është arritur marrëveshje në mes Vetëvendosjes dhe Nismës.
Madje, ai beson se ditëve në vazhdim do të bëhet kjo marrëveshje mes të dy palëve.
“Unë e di që ka pasur tendenca për ta bërë një marrëveshje, ajo marrëveshje ende nuk është bërë, dhe besoj që ditëve në vazhdim do të bëhet”, është shprehur Rexhaj, para nisjes së vazhdimit të seancës konstitutive./teve1.info/
