Kryetari i Nismës Socialdemokrate, Fatmir Limaj ditën e mërkurë ka qëndruar në qytetin e Ferizajt.
Në një postim në Facebook, ai tha se këdo që po e takojnë shihet se vendi ka nevojë për ndryshim dhe qeverisje ku qytetarët janë të barabartë.
“Problemet ekonomike, energjetike, siguria janë vetëm disa nga shqetësimet që po i shohim dhe zgjidhja e këtyre bëhet vetëm nga njerëz që kanë veçVEPRA. Koalicioni ynë për Kosovën fituese, veçVEPRA, do angazhohet fuqishëm për ta rikthyer edhe një herë vendin tonë në rrugën e drejtë, bashkë me partnerët tanë ndërkombëtarë”, u shpreh Limaj.
Anëtari i koalicionit për Kosovën Fituese qëndroi edhe tek një fabrikë për prodhimin e dyerve dhe dritareve ku tha se u njoftua për sfidat dhe problemet e tyre.
“Për fat të keq, qeverisja aktuale bizneset vendore nuk i sheh si pjesë përbërëse të zhvillimit dhe forcimit të shtetit. Prandaj, 9 shkurti është dita e koalicionit për Kosovën fituese, veçVEPRA.
Fuqizimi i prodhuesve vendorë ofron zhvillim, mirëqenie dhe avancim. Prandaj, ne zotohemi se prodhuesit vendorë do të jenë në fokus për ngritjen e kapaciteteve prodhuese”.
Sipas Limajt, qyteti i Ferizajt u shpreh i vendosur për Kosovën Fituese.
