Kryetari i Nismas, Fatmir Limaj, ka bërë të ditur se gjatë javës do të takohet me kryeministrin në detyrë, Albin Kurti.
Limaj tha se me Kurtin do të bisedojë se cila është mënyra e duhur për të dalë nga ngërçi politik.
Ai pas dështimit të seancës së 47-të për konstituimin e Kuvendit tha se është i interesuar që përveç Kurtit, të takohet edhe me liderët tjerë të partive politike, që siç tha ai, për t’i shkëmbyer mendimet që të gjendet një rrugë për dalje nga ngërçi politik.
“Po kemi fol me Kurtin, gjatë javës do të takohemi. Janë disa agjenda. Kur ta caktojmë vendin…. duhet të bisedojmë se si duhet të dilet nga kjo situatë politike. Është bë gjëja më e pazakonshme është zakonshme. Gjëra e parë elementare është komunikimi dhe bashkëbisedimi mes njerëzve dhe politikanëve për të dalë nga kriza. Jam i interesuar për të biseduar edhe me liderë tjerë politikë, me shkëmby mendimet me pa ndonjë rrugë se nuk i dihet. Është bërë e tepërt, do t’i thërras edhe të tjerët. Do të bisedoj me kryeministrin për të ardhur deri në një moment i zgjidhjes së kësaj situate, me pa mundësinë se çka varet nga ai dhe çka varet nga ne”, tha ai.
Limaj tha se Nisma është e gatshme për të ndihmuar në “përmbushjen e vullnetit të shumicës në qeverisje”, pastaj përmendi që partneriteti është temë që do të shtrihet ashtu siç kanë në planë nëpërmjet bisedimeve.
“Do të mundohemi për ta bërë më të mirën për vendin dhe ndërtimin e institucioneve… e kemi zgjatur dorën për t’ia dhënë një mundësi dhe për mos ta quar ngërç të Kuvendit, apo situatë e bllokuar. Nga Nisma është gatishmëria, veprimi konkret për të gjetur një zgjidhje, kjo është e rëndësishme. Do të doja që edhe të tjerët të ofronin alternativa konkrete për të formuar qeverinë. Ne jemi të gatshëm me ndihmua për me përmbush vullnetin e shumicës në qeverisje, partneriteti pastaj shtrihet siç kemi biseduar, marrëveshje me partneritet ose shkon qeverisë vet, ka edhe kësi rrugë që kanë ndodhur në të kaluarën. Në këtë rast po kërkohet që me pas një shumicë, e cila do ta ofron një qeverisje stabile”, deklaroi ai./teve1.info/
