Të martën, do të zhvillohet xhiroja e rregullt e Ligës Unike te basketbollistet.
Në fakt, të trija ndeshjet e xhiros së katërt do të zhvillohen të martën, ku dy prej tyre luhen në Kosovë, ndërsa një në Shqipëri.
Dueli që do ta hap këtë xhiro, është ai që luhet në Prishtinë prej orës 17:00, ku basketbollistet prishtinase e presin Flamurtarin e Vlorës.
Të dyja skuadrat kanë bilanc të njëjtë pas tri xhirove të luajtura deri më tani, ku kanë regjistruar nga dy fitore dhe një humbje.
Prej orës 17:30, në Tiranë, luhet ndeshja mes Partizanit dhe Penzës. Këto dy skuadra janë në dy vendet e fundit në tabelë pasi i kanë humbur të gjitha ndeshjet deri më tani.
Ndërkohë, dueli i fundit është ai që luhet në Prizren prej orës 19:00 ndërmjet Bashkimit dhe Tiranës. Bashkimi është ekipi i vetëm që i ka fituar të gjitha ndeshjet deri më tani dhe prinë në tabelë me gjashtë pikë, një më shumë se Tirana që zë vendin e dytë.
