Në “Estadio Wanda Metropolitano” zhvillohet ndeshja kthyese çerekfinale e Ligës së Kampionëve ndërmjet Atletico Madridit dhe Manchester Cityt.
Me një gol epërsi në favor të Citizens (1-0) përfundoi sfida e parë në Etihad Stadium dhe sonte (e mërkurë) në kryeqytetin spanjoll do të vendoset skuadra që do të kualifikohet në gjysmëfinale.
Do të shohim një tjetër përballje taktikash ndërmjet strategëve Diego Simeone dhe Pep Guardiola, të cilët i kanë zgjedhur skuadrat që do ta nisin ndeshjen nga minuta e parë.
Formacioni i Atletico Madridit: Oblak; Savic, Felipe, Reinildo: Marcos Llorente, Kondogbia, Koke, Lemar, Renan Lodi; Griezmann, Joao Felix.
Formacioni i Manchester Cityt: Ederson; Walker, Stones, Laporte, Cancelo; De Bruyne, Rodri, Gündogan; Mahrez, Foden, Bernardo Silva.
Skuadra që kualifikohet tutje, në gjysmëfinale do të luaj ndaj Real Madridit që mbrëmë eliminoi Chelsea në çerekfinale.
