Gërvishtjet që mund të riparohen janë përgjithësisht të vogla dhe ndodhin për shkak të përdorimit të përditshëm
Fillimisht, lani syzet me ujë të ngrohtë dhe më pas fshini papastërtitë ose pluhurin me një leckë mikrofibër. Pastaj bëni një mjet për të hequr gërvishtjet.
Përzieni dy lugë sodë buke me pak ujë për të përftuar një pastë të dendur. Më pas merrni një leckë të pastër me mikrofibër dhe fërkojeni butësisht përzierjen në xhama.
Pas kësaj, shpëlani edhe një herë xhamat dhe fshijini me një leckë të thatë, transmeton Telegrafi.
Si të parandaloni gërvishtjet
Vendosja e syzeve në këllëfë të duhur është një gjë e natyrshme, por ka disa gjëra të tjera që duhen mbajtur parasysh. Për shembull, kini kujdes kur hiqni syzet dhe kapni ato vetëm nga korniza. Në këtë mënyrë ju shmangni gërvishtjet e tyre aksidentale.
Përveç kësaj, heqja e syzeve me të dyja duart do të sigurojë që ato të mos ju bien dhe të dëmtohen. Asnjëherë mos i vendosni syzet me xhamat poshtë, por anasjelltas.
Përveç kësaj, një pozicion i sigurt për syzet është vendosja e mbajtësve të kornizës së hapur në një sipërfaqe të sheshtë, por me kokë poshtë, sepse ky është pozicioni më i qëndrueshëm për ruajtjen e syzeve.
Pastrojini me materiale të përshtatshme
Në vend që të fshini syzet në një këmishë, pecetë ose peshqir, përdorni një leckë të butë që zakonisht e merrni me syzet, por mund t’i merrni edhe veçmas.
Materialet e tjera janë më gërryes, gjë që mund t’ju bëjë të gërvishtni syzet pa e ditur.
