“Lëkura jonë bërbëhet nga shtresa e jashtme e quajtur epidermë dhe sipërfaqja e saj e hollë e quajtur shtresa korneum ose barriera e lëkurës. Qelizat e vdekura të lëkurës dhe lipidet yndyrore përbëjnë barrierën e lëkurës, e cila mbron trupin nga toksinat dhe bakteret që shkaktojnë infeksione. Kur kjo shtresë dëmtohet, mund të rezultojë që lëkura të duket e thatë dhe e përflakur”, shpjegoi dermatologia Jaishree Sharad.
Vajrat natyralë dhe uji mund të duken mënyra më e mirë për të mbajtur lëkurën të lagësht, por jo gjithçka është ashtu siç duket. Pra, këtu janë disa gjëra që nuk duhet të bëni kur bëhet fjalë për skuqjet e lëkurës në dimër.
*Kufizoni ekspozimin ndaj ujit, veçanërisht dusheve të gjata dhe të nxehta – Ekspozimi i tepërt ndaj ujit mund të vjedhë vajrat natyralë të lëkurës, veçanërisht nëse është në formën e një dushi të nxehtë.
*Kufizoni ekspozimin ndaj kimikateve – Kur lëkura juaj lëndohet, ekspozimi ndaj kimikateve është po aq i keq për të sa një dush i nxehtë. Nëse ju duhet të lani vazhdimisht duart ose lëkurën për ndonjë arsye, sigurohuni që të përdorni sapunët dhe hidratuesit më të butë dhe më natyralë të mundshëm.
*Qëndroni të hidratuar – Për të rritur hidratimin e lëkurës, pini sasi të mjaftueshme uji çdo ditë.
*Vishni veshje mbrojtëse – Nëse duart tuaja vuajnë nga lëkura e thatë për shkak të larjes së tepërt, merrni parasysh përdorimin e dorezave kur lani enët ose kur dilni jashtë sidomos në dimër. Në këtë mënyrë, ju do të mbroni lëkurën tuaj.
*Aplikimi i kremit hidratues në lëkurën tuaj është mënyra më e mirë për t’u kujdesur për lëkurën tuaj të thatë këtë dimër, por përgjigja e vërtetë qëndron në zgjedhjen e kremit hidratues dhe faktorëve të tjerë që ju i nënshtroheni. Zgjidhni siç duhet, mbroni lëkurën tuaj.
