Udhëheqësi i Hamasit, Ismail Haniyeh pohoi të martën se arritja e një marrëveshjeje armëpushimi me Izraelin është “afër”.
“Lëvizja u ka dorëzuar përgjigjen e saj vëllezërve në Katar dhe ndërmjetësve dhe ne po i afrohemi një marrëveshjeje armëpushimi”, tha Haniyeh në Telegram pa dhënë detaje të mëtejshme, shkruan Anadolu Agency, transmeton teve1.info
Izraeli ka nisur sulme ajrore dhe tokësore në Rripin e Gazës pas një sulmi ndërkufitar nga Hamasi më 7 tetor.
Që nga atëherë, të paktën 13,000 palestinezë janë vrarë, duke përfshirë mbi 9,000 gra dhe fëmijë, dhe më shumë se 30 mijë të tjerë janë plagosur, sipas të dhënave të fundit nga autoritetet palestineze.
Ndërsa, sipas shifrave zyrtare, numri i të vdekurve izraelitë është rreth 1200. /Teve1.info/
