Në Sallën Plenare të Kuvendit të Kosovës po mbahet një akademi përkujtimore në nderim të ish-kryeparlamentarit Nexhat Daci, i cili vdiq më 1 janar 2026 në moshën 81-vjeçare.
Në akademi mori pjesë edhe kryeministri në detyrë, Albin Kurti, i cili nderoi figurën dhe kontributin institucional të Nexhat Dacit.
Në fjalën e tij, Kurti tha:
“Sot, më 2 janar 2026, një rast mortor na ka bërë bashkë këtu në sallën e seancave plenare të Kuvendit të Kosovës, në një periudhë të ndërmjetme për institucionin legjislativ të Republikës sonë, teksa legjislatura e kaluar e Kuvendit është shpërndarë, ndërsa legjislatura e re ende nuk është nxjerrë dhe konsoliduar. Ky mort na bëri të bashkohemi këtu në Kuvendin e Republikës”, tha Kurti.
Kurti theksoi se Nexhat Daci ka lënë një gjurmë të veçantë në jetën politike dhe institucionale të vendit./teve.info/
