Shefi i Këshillit të BE-së, Charles Michel, në një letër drejtuar liderëve u shpreh se është e rëndësishme që “ata të vazhdojnë të jenë të bashkuar”.
“Është e rëndësishme që ne të vazhdojmë të jemi të bashkuar dhe të vendosur”, thuhet në letër.
Michel shton se veprimet agresive të Rusisë, kanë shkelur “ligjin ndërkombëtar dhe integritetin territorial dhe sovranitetin e Ukrainës”.
“Ato gjithashtu minojnë rendin evropian të sigurisë. Përdorimi i forcës dhe detyrimi për të ndryshuar kufijtë nuk ka vend në shekullin e 21-të”, thuhet më tej në letër.
