Sulmuesi polak, Robert Lewandowski po e luan sezonin e tij të fundit me fanellën e skuadrës së Barcelonës.
Bëhet e ditur se Barcelona ka informuar Lewandowskin se nuk do t’ia ofrojë rinovimin e kontratës, e cila i skadon në verën e vitit të ardhshëm.
Këtë vendim, thuhet se Barcelona e ka marrë për arsye ekonomike duke pasur parasysh se ekipi spanjoll prej kohësh po përballet me politika për uljen e kostove.
Lewandowski iu bashkua Barcelonës në vitin 2022 dhe firmosi kontratë për katër vjet, me një pagë totale prej 104 milionë eurosh apo 26 milionë euro në sezon, përfshirë edhe bonuset.
Në 149 paraqitje për Barcelonën deri më tani, Lewandowski ka shënuar 101 gola.
