Pikërisht në kohën kur në Beograd po përballet me një kundërshtim të ashpër të studenteve për pushtetin e tij, presidenti i Serbisë, Aleksandër Vuçiq e inicioi
“Lëvizjen për Popullin dhe shtetin”.
Menjëherë në mbështetje të Vuçiqit i doli Lista Serbe.
Ky subjekt i afërt me pushtetin në Serbi, tha se e mbështesin themelimin e kësaj lëvizje.
“Lëvizja për Popullin dhe Shtetin duhet të jetë shtëpi e të gjithë neve që e duam Serbinë dhe mburojë që duhet ta mbrojë popullin serb në Kosovë dhe Metohi. Serbët nga Kosova dhe Metohia, me përvojën e tyre shekullore në mbrojtjen e emrave dhe mbiemrave serbë, e mirëpresin themelimin e Lëvizjes për Popullin dhe Shtetin – të bindur se kjo lëvizje do t’u japë përgjigjen më të mirë të gjithë atyre që dëshirojnë ta shohin Serbinë të gjunjëzuar”
Gazetari nga veriu i Mitrovicës, Branislav Kërsqtit, thotë që kësaj lëvizje mund t’i bashkohen serbët nga Kosova, por jo në mënyrë masive.
Megjithatë këtë hap të presidentit Vuçiq, ai e sheh si të rrezikshëm.
“ Me siguri do të ketë do lëvizje, por masive jo jam i sigurt që jo. Është duke shkuar në një drejtim në të cilin ai dëshiron të paralajmëroi sikur bota serbe që ishte e paralajmëruar para disa muajsh që për mua ajo është e papranueshme edhe jam i sigurt, jo e mundshme, ai e ka mundësinë me organizua atë organizatë me para të shtetit por qytetarët e tepër mirë e kanë kuptuar se ai është duke shkuar në rrugën e Millosheviqit që është tepër e keqe”, vlerëson Kërstiq.
E profesori dhe doktori i shkencave të sigurisë, Avni Islami vlerëson se kjo lëvizje
vjen si rrjedhojë e protestave masive të studentëve në Serbi, kundër presidentit, Aleksandër Vuçiq.
“Ajo iniciativë ka ardhë më herët sipas tij tashmë është momenti që kjo iniciativë të jetësohet dhe të procedohet, dhe si rrjedhojë e angazhimit të tij, menjëherë është ofruar Lista Serbe, dhe disa faktor të tjerë të cilët janë satelitë të vegjël të politikës të Aleksandër Vuciqit. Reagimi për këtë iniciativë “ për popullin dhe shtetin” mendoj se është reaksion i protestave të mëdha në Serbi, i cili po e sheh rrëzimin e pushtetit nga ana e tij”, thotë Islami.
Themelimin e “Lëvizjes për popullin dhe shtetin” presidenti Vuçiq e paralajmëroi rreth dy vite më parë.
