Trajneri Xabi Alonso shpreson që ta nisë ecurinë e rezultateve pozitive që nga fundjava e Bundesligës gjermane.
Trajneri Alonso dhe Bayer Leverkuseni me Granit Xhakën në mesfushë, një gjë të tillë synojnë ta nisin që prej duelit ndaj Heidenheimit, të shtunën nga ora 15:30.
Ndeshja i takon xhiros së 11-të.
Kampioni në fuqi i elitës gjermane ka lëshuar shumë pikë në edicionin aktual dhe zë vendin e katërt me 17 pikë.
Heidenheimi ndërkohë ka shtatë pikë më pak.
Leverkuseni e ka fituar vetëm një ndeshje nga gjashtë të fundit në të gjitha garat.
Ka katër barazime dhe një humbje gjatë kësaj serie.
Në tri ndeshjet e fundit në Bundesligë, ka po aq barazime.
Heidenheimi nga ana tjetër në pesë ndeshjet e fundit e ka një fitore, tri humbje e një barazim.
Ndeshje interesante pritet të jetë ajo mes Dortmundit dhe Freiburgut.
Te Freiburgu aktivizohet Florent Muslija.
Dortmundi ka 16 pikë dhe zë vendin e shtatë, kurse Freiburgu është i pesti me 17 pikë.
