Objekti i Institutit të Mjekësisë Ligjore është përfshirë nga zjarri mbrëmjen e sotme.
Njëri prej zjarrfikësve në vendin e ngjarjes bën të ditur për Tëvë 1, se si pasojë e zjarrit ka vetëm letra të djegura.
Zjarri është ndalur, teksa shkaktari nuk dihet akoma.
Në vendin e ngjarjes janë edhe Policia e Kosovës.
Rreth këtij rasti kanë dhënë detaje edhe nga Ministria e Drejtësisë.
“Në orët e mbrëmjes, jemi njoftuar që në ndërtesën e Institutit të Mjeksësisë Ligjore, ka shpërthyer një zjarr. Të menjëhershme kanë qenë intervenimet e zjarrëfikësve. Policia është në vendin e ngjarjes po ashtu edhe zv. Ministri, Blerim Sallahu. Sipas informacioneve qe kemi aktualisht nga vendi i ngjarjes, nuk ka dëme që janë shkaktuar nga zjarri. Personat përgjegjës tashmë po merren me shkaqet e shpërthimit të zjarrit”, është bërë e ditur në njoftim. /Teve1.info/
