Kryetari në detyrë i Kuvendit të Kosovës, Glauk Konjufca, është shprehur i gatshëm të bashkëpunojë me opozitën për formimin e institucioneve të reja.
Pas takimit që ka pasur me përfaqësuesit e partive politike, ku është diskutuar për përgatitjen e seancës konstitutive.
Duke komentuar ftesën e VV-së për takim më LDK-në, Konjufca ka thënë se për formimin e institucioneve të reja partitë politike duhet të përdorim gjuhë të bashkëpunimit dhe partneritetit.
“Letra me sa kam njohuri i është drejtuar vetëm LDK-së. Kurse gjuhën do ta përdorim, gjuhë të bashkëpunimit, partneriteti, sepse ju mund ta merrni parasysh, merrni me mend, tensionet e polarizimet që ndodhin gjatë fushatës, e të cilat i kemi pas edhe në legjislaturën e 8, në fund të fundit të gjithë zgjohemi në mëngjes, e shohim rezultatin e zgjedhjeve, dhe e kuptojmë që politika nuk ndërtohet në urrejtje e dashuri”, ka thënë ai.
Ndërkohë, ai është pyetur nga gazetarët nëse dështon plani me LDK- në a do t’i bëjnë ftesë PDK-së.
“Nuk mund ta konfirmoj tash sa i përket ftesës drejtuar PDK- së. Ju duhet ta keni parasysh një gjë d.m.th. nuk është e rastësishme që kryeministri i është drejtuar zotit Abdixhiku. Ne d.m.th. nuk kemi shkuar në mënyrë teknike sipas madhësisë të partive politike, po të kishte qenë kjo ne do t’i ishim drejtuar PDK-së sikur këtu që u ulëm sipas rendit dhe madhësisë, ky është aspekt teknik. Po kryeministri e ka pasë një qëllim pse i është drejtuar LDK-së, të shohim në sa e caktuan mbledhjen me u përgjigj”, tha ai./teve1.info/
