Mirëpo ka indikacione që Serbia do të tregohet më konstruktive.
Diplomati britanik, Timothy Less, tregon për tëvë1 se Presidenti i Serbisë, Aleksandar Vuçiq, ka dhënë shenja se po përgatitet të marr një vendim jopopullor.
Sipas Less, në këtë fazë i pari i Serbisë e ka të vështirë për t’iu kundërvënë fuqive të mëdha.
Andaj diplomati thotë se Serbia do ta njoh Kosovën në njëfarë forme në këmbim të një autonomie të kufizuar për veriun.
“Ditët e fundit, Serbia ka sinjalizuar gatishmërinë e saj për të arritur një marrëveshje në të cilën ajo e njeh Kosovën në një mënyrë ose në një tjetër në këmbim të autonomisë së kufizuar për veriun, siç kërkojnë SHBA dhe BE. Presidenti Vuçiq e ka të vështirë për t’iu kundërvënë fuqive të mëdha dhe ka shprehur gatishmërinë e tij për të arritur një kompromis, me kusht që ai të mos jetë një poshtërim për Serbinë. Ai ka spekuluar publikisht për ndryshimin e Kushtetutës së Serbisë. Ai gjithashtu ka njoftuar se nuk do të kandidojë më për president, gjë që është një shenjë se po përgatitet të ndërmarrë një hap jopopullor”, tha Less.
Ai ka folur edhe për protestën e organizuar nga qytetarët serb në veri të Mitrovicës, dhe tregon disa nga perceptimet që kanë banorët serbë për të ardhmen e tyre në Kosovë.
“Ajo që shoh në Kosovë, dhe në Mitrovicë në veçanti, është një reagim kundër Vuçiqit dhe Listës Serbe. Protestuesit serbë i konsiderojnë përgjegjës ata për dështimet e tyre në Kosovë. Kjo ka përkuar, natyrisht, me lajmet për sulmet ndaj disa qytetarëve serb të Kosovës. Ka nga ata që thonë se nuk ndihen të sigurte në Kosovë dhe janë pa mbështetje prandaj do të detyrohen të largohen nga vendi. Nuk është se po pajtohem me këtë, por ky është perceptimi i ngjarjeve ne mesin e disa serbëve në Kosovë”, shtoi ai.
Por në anën tjetër Kryeministri i Kosovës, Albin Kurti, ka deklaruar sërish se presidenti serb, Aleksandar Vuçiq e ka refuzuar planin franko-gjerman.
Kronika e gazetarit Shpat Blakçori.
