46 ditë pas sulmit terrorist, është lëshuar për qarkullim uji në kanalin kryesor të Ibër-Lepencit.
Derisa rreth 400 mijë euro ishte dëmi i shkaktuar, teksa dëmi i synuar ishte rreth 2.5 milionë euro.
Ndryshe, kanali i ujit të Ibër-Lepencit ishte dëmtuar më 29 nëntor pas një shpërthimi. Policia e Kosovës ka bërë të ditur se sulmi është kryer me deri në 20 kilogramë eksploziv.
Ndërkaq, kryeshefi i kësaj ndërmarrje, Faruk Mujka ka bërë të ditur se procesi i rifunksionalizimit të kanalit të Ibër- Lepencit ka kushtuar 370 mijë euro, duke përfshirë sjelljen e dheut, ndërtimin e bypassit dhe riparimin e kanalit.
Kosova fajësoi Serbinë për këtë sulm, por Beogradi zyrtar e hodhi poshtë një gjë të tillë. Sulmi u dënua ashpër nga ShBA-ja dhe shtete të Bashkimit Evropian.
Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj./teve1.info/
